Persónuverndarstefna

Vitvélar ehf., kt. 591206-1090, Hjálmholti 2, 105 Reykjavík, er ábyrgðaraðili að vinnslu þeirra persónuupplýsinga sem lýst er hér. Fyrirspurnum um persónuvernd má beina á hjalti@vitvelar.is.

Við söfnum aðeins þeim upplýsingum sem þú sendir okkur í fyrirspurnarforminu: nafni, netfangi og eftir atvikum heiti fyrirtækis, kennitölu, símanúmeri og efni fyrirspurnar.

Vefurinn notar hvorki auglýsinga- né rakningarvafrakökur og rekur þig ekki milli vefsvæða.

Ef þú samþykkir vefmælingar notum við Vercel Analytics til að mæla heimsóknir á síður vefsins. Tólið skráir slóð síðunnar, hvaðan gesturinn kom, staðsetningu eftir landi og gerð tækis og vafra. Það setur engar vafrakökur og geymir ekkert auðkenni sem fylgir þér milli daga. Samþykkir þú ekki er tólið aldrei hlaðið og engin slík gögn verða til.

Upplýsingarnar eru notaðar í einum tilgangi: að svara fyrirspurninni og, ef til viðskipta kemur, að gera tilboð og reikning. Heimild vinnslunnar byggist á samþykki þínu og á lögmætum hagsmunum af því að eiga í viðskiptasamskiptum, sbr. 6. gr. laga nr. 90/2018 um persónuvernd og vinnslu persónuupplýsinga.

Fyrirspurnir sem ekki leiða til viðskipta eru varðveittar í allt að 24 mánuði og síðan eytt. Gögn sem tengjast reikningum eru varðveitt í sjö ár eins og bókhaldslög krefjast.

Við seljum ekki upplýsingar og miðlum þeim ekki í markaðslegum tilgangi. Þjónustuaðilar sem vinna gögn fyrir okkar hönd eru tölvupóstsþjónusta, hýsingaraðili vefsins — sem sér einnig um vefmælinguna, samþykkir þú hana — og bókhaldskerfi. Þeir eru bundnir vinnslusamningum og starfa innan EES eða á grundvelli viðurkenndra flutningsheimilda.

Þú átt rétt á aðgangi að þeim upplýsingum sem við geymum um þig, leiðréttingu þeirra, eyðingu, takmörkun vinnslu og flutningi gagna. Þú getur dregið samþykki þitt til baka hvenær sem er. Sendu beiðni á hjalti@vitvelar.is og við svörum innan mánaðar.

Teljir þú að vinnslan brjóti gegn persónuverndarlögum máttu senda kvörtun til Persónuverndar, personuvernd.is.

Vefurinn setur engar vafrakökur. Vercel Analytics, sem við notum til að telja heimsóknir, er vafrakökulaust tól.

Þegar þú kemur fyrst birtist borði neðst á síðunni þar sem þú velur hvort vefmæling megi fara í gang. Hún fer ekki af stað fyrr en þú hefur samþykkt: hafnir þú, eða svarir engu, er tólið aldrei hlaðið. Það eina sem geymist í vafranum þínum er valið sjálft, svo við þurfum ekki að spyrja í hvert sinn.

Þú getur skipt um skoðun hvenær sem er með tenglinum **Vafrakökustillingar** neðst á hverri síðu. Þegar þú opnar stillingarnar aftur er fyrra val afturkallað og mælingar stöðvast þar til þú velur á ný.