Rafknúin hópbifreið · M3, klassi II
7,5 metra rafmagnssmárúta fyrir 19 farþega
Rafknúin smárúta fyrir hópferðir og akstursþjónustu sveitarfélaga. 170 kWh CATL-rafhlaða, DANA-drifrás og GSR II-öryggisbúnaður eru í staðalbúnaði. Vitvélar selja eina útfærslu á Íslandi — 19 sæti með 170 kWh rafhlöðu.
7,49m
Lengd
19+1
Sæti
170kWh
Rafhlaða
425km
Drægni (WLTP)
15,3m
Snúningsþvermál
Tæknilýsing
| Framleiðandi | Yangzhou Yaxing / Asiastar |
|---|---|
| Ökutækjaflokkur | M3, klassi II (WVTA) |
| Sæti | 19 farþegar + ökumaður |
| Rafhlaða | CATL BC5, 170 kWh, vökvakæld — 10 ára ábyrgð |
| Drifrás | DANA, 150 kW / 1.200 Nm — 8 ára ábyrgð |
| Drægni | 425 km (WLTP) |
| Orkunotkun | 40 kWh/100 km (SORT2) |
| DC-hleðsla | 122 kW, CCS2 (evrópustaðall) |
| AC-hleðsla | 22 kW (evrópustaðall) |
| Hámarkshraði | 100 km/klst. |
| Lengd × breidd × hæð | 7.490 × 2.000 × 2.760 mm |
| Ytri mál | Breidd með speglum: 2.440 mm · hæð með þakloftkælingu: 2.885 mm |
| Hjólhaf | 4.325 mm |
| Snúningsþvermál | 15,3 m (kantur að kanti) |
| Heildarþyngd | 6.500 kg |
| Eiginþyngd | 4.930 kg |
| Burðargeta | 1.570 kg |
| Ásþungi | 2.100 kg framan / 4.400 kg aftan |
| Hemlar og fjöðrun | Diskhemlar að framan og aftan, rafrænn stöðuhemill · MacPherson-fjöðrun að framan, blaðfjöðrun að aftan |
| Hjólbarðar | 215/75R17.5, tvöfalt afturhjól, varadekk |
AC-hleðsla og DC-hraðhleðsla
AC 22 kW — full hleðsla yfir nótt
Bíllinn hleður á 22 kW í AC-hleðslu og það tekur um 7 klst. og 45 mín. að hlaða úr 0% í 100%. AC-hleðslustöðvar er auðvelt að setja upp og þær kosta brot af því sem DC-hraðhleðslustöð kostar. Slíkar stöðvar er að finna út um allt land, á flestum ferðamanna- og gististöðum.
Hraðhleðsla DC 122 kW
CCS2-hraðhleðsla á 122 kW er í staðalbúnaði. Bíllinn fer 2,5 km á hverri kWh (425 km á 170 kWh), svo hálftíma stopp á fullu afli bætir um 150 km við drægnina og hleðsla úr 20% í 80% — 102 kWh, um 255 km — tekur um klukkustund. Hraðhleðslustöðvar eru komnar víðsvegar um landið og góð regla fyrir bílstjórann er að setja alltaf í samband þegar stoppað er lengur en 10 mínútur.
Hleðslutímar eru reiknaðir út frá uppgefnu hleðsluafli og orkunotkun. Rauntími ræðst af hleðslustöð, hitastigi og hleðslustöðu rafhlöðunnar.
Öryggi — GSR II í staðalbúnaði
- Sjálfvirk neyðarhemlun (AEBS), stöðugleikastýring (ESC) og akreinavari (LDWS)
- Snjöll hraðaaðstoð (ISA, EU 2021/1958) og undirbúningur fyrir áfengislás (EU 2021/1243)
- Blindsvæðisvörn hjólandi (BSIS, R151) og vörn gagnvart óvörðum vegfarendum við beygju (MOIS, R159)
- Bakkskynjun óvarinna vegfarenda (R158), bakkmyndavél með hitun og bakkskynjarar
- Þreytu- og athyglisvöktun ökumanns (DDAW, EU 2021/1341; ADDW, EU 2023/2590) og netöryggi skv. R155/R156
- Loftpúði ökumanns, þriggja punkta belti í öllum sætum, TPMS og akstursvörn þegar hurð er opin
Búnaður og þægindi
- 12,3" margmiðlunarskjár, stafrænt mælaborð og DAB-útvarp; USB- og USB-C-tengi frammi og hjá farþegum
- Loftfjaðrað Grammer-ökumannssæti með 12 V dælu og fjölnota stýri
- Farþegasæti með ECE-vottun, armpúðum, tímaritaneti og stillanlegu baki
- Glerþak (60 × 70 cm, tvöfalt hert gler), LED-lýsing og lesljós við hvert sæti
- Hljóðeinangrunarpakki B og hátalarakerfi með hljóðnema við ökumannssæti
- Panoramarúður, LED-aðalljós, þokuljós, útiljós yfir hurðum, skiltakassi og fánafestingar
Byggð fyrir norðlægar aðstæður
Undirvörn og tæringarvörn
Norræn undirvörn frá framleiðanda. 1,2 mm álplötur með rafhúðaðri yfirborðsmeðferð og höggdeyfilími yfir afturás og afturhluta, framan við afturás og undir rafhlöðu, auk hlífar undir framhúsi. Tæringarvörn er miðuð við strandloftslag — seltu og vetrarsöltun.
Hitun
12 kW hitunargeta í farþegarými: 6 kW varmadæla í þakeiningu og 6 kW PTC-rafhitun. Til viðbótar 4 kW PTC-gólfhitari og 2,8 kW PTC-hitari í ökumannsrými. Upphituð afturrúða, upphitaðir rafstýrðir speglar og hitun í bakkmyndavél.
Geymslurými
Geymslurými með festingum fyrir snjókeðjur, slökkvitæki og sjúkrakassa.
Aðgengi, farangur og dráttargeta
Afturhurð opnast um 270° og er með festingu. Afturhlutinn er sérhannaður fyrir hjólastólaaðgengi og undirbúinn fyrir handvirkan ramp. Rafdrifin útsveifluhurð með klemmuvörn og flatt gólf við inngang. Farangursrými aftast. Aftakanlegt dráttarbeisli skv. ECE R55.
Burðargetan er 1.570 kg. Þegar öll farþegasæti eru nýtt fer stærstur hluti hennar í farþega. Við förum yfir þyngd farþega, farangurs og búnaðar með ykkur miðað við dæmigerða ferð.
Styrkur, kílómetragjald og ökuréttindi
Styrkur — allt að 33% af kaupverði án VSK
Bíllinn er M3-ökutæki yfir 5 tonnum og fellur undir styrki Loftslags- og orkusjóðs til kaupa á hreinorkuökutækjum — allt að 33% af kaupverði án VSK, að hámarki 15 m.kr., óbreytt 2026–2028. Kaupandi sækir sjálfur um til Umhverfis- og orkustofnunar innan 12 mánaða frá nýskráningu.
Kílómetragjald — 11,06 kr./km
Heildarþyngd 6.500 kg fellur í bilið 6.001–7.000 kg og gjaldið er það sama hvort sem ökutækið gengur fyrir rafmagni eða olíu. 80% hreinorkuafslátturinn nær aðeins til ökutækja yfir 10 tonnum.
Ein útfærsla, D-réttindi
Vitvélar selja eina útfærslu á Íslandi: 19 sæti með 170 kWh rafhlöðu. 19 farþegasæti kalla á D-réttindi hjá ökumanni.
Hver stendur að baki EURISE?
Kynnist Asiastar, Weichai og iðnaðarsögunni að baki rafknúnum EURISE-bílum.
Fá tilboð í EURISE
Tilgreinið fjölda ökutækja, óskaðan afhendingartíma, daglega vegalengd og hleðsluaðstöðu. Látið einnig vita hvort þörf sé á hjólastólaaðgengi. Þið fáið verðtilboð með sundurliðuðum aukabúnaði og útreikningi á styrknum.